Home / Inspiration ແຮງ​ບັນ​ດານ​ໃຈ / ຄວາມ​ຝັນ​ຄື​ແຮງ​ບັນ​ດານ​ໃຈ

ຄວາມ​ຝັນ​ຄື​ແຮງ​ບັນ​ດານ​ໃຈ

“ຄວາມ​ຝັນ​ຄື​ແຮງ​ບັນ​ດານ​ໃຈ”

        ຫາກທ່ານ​ຂາດ​ພະລັງ​ໃນ​ການ​ຍົກ​ລະດັບ​ຊີວິດ​ ນັ້ນ​ເປັນ​ເພາະ​​ຂາດ​ພາບ​ຝັນ​ທີ່​ເຮັດໃຫ້​ຕົວ​ທ່ານ​ຕື່ນ​ເຕັ້ນ, ຊີວິດ​ຂອງ​ມະນຸດ​ໃນ​ແຕ່​ລະ​ລຸ້ນ​ຄົນ​ ລ້ວນ​ແລ້ວ​ແຕ່​ເລີ່ມ​ຕົ້ນ​ຈາກ​ການ​ໃຊ້​ເວລາ​ກຽມ​ຄວາມ​ພ​ພ້ອມ​ເພື່ອ​ທີ່​ຈະ​ສາມາດ​ເບິ່ງ​ແຍງ​ຕົນເອງ ​ແລະ ​ໄປ​ຕໍ່​ໃນ​ຂັ້ນ​ສາມາດ​ເບິ່ງ​ແຍງ​ຜູ້​ອື່ນ​ໄດ້​ ໂດຍ​ເລີ່ມ​ຈາກ​ການ​ເປັນ​ເດັກນ້ອຍ​ ເປັນ​ເດັກ​ ເປັນ​ໄວລຸ້ນ​ ເປັນ​ໜຸ່ມ​ສາວ ​ແລະ ​ເປັນ​ຜູ້ໃຫຍ່​ ການເດີນທາງ​ຂອງ​ຊີວິດ​ນັ້ນ​ ໂດຍ​ສະ​ເລ່ຍ​ແລ້ວ​ແຕ່​ລະ​ຄົນ​ມີ​​ໄລ​ຍະ​ເວລາ​ຂອງ​ການເ​ດີນທາງ​ທີ່​ໃກ້​ຄຽງ​ກັນ​ ຈາກ​​ມື້​ເກີດທຳ​ອິດ​ຈົນ​ໄປ​ສີ້ນສຸດ​ທີ່​ອາ​​ຍຸ​ປະ​ມານ​ 75 ປີ​.

ຂໍ້​ເທັດ​ຈິງ​ທີ່​ປາກົດ​ກໍ​ຄື​ ແມ່ນ​ເວລາ​ເທົ່າ​ກັນ​ ແຕ່​ຄວາມ​ສາມາດ​ໃນ​ການ​ເບິ່ງ​ແຍງ​ຕົນເອງ​ ແລະ​ ຜູ້​ອື່ນ​ນັ້ນ​ແຕກ​ຕ່າງ​ກັນ​ມະຫາ​ສານ​ ເພື່ອນໆ​ເຄີຍ​ຄິດ​ບໍ່​ວ່າ​ ເກີດ​ຈາກ​ສາ​ເຫດ​ຫຍັງ​ ໜຶ່ງ​ໃນ​ສາ​ເຫດ​ຫຼັກ​ຄື​ການ​ບໍ່​ມີ​ຝັນ​ທີ່​ໃຫຍ່​ພໍ​ ແລະ​ ຊັດເຈນ​ ຈຶ່ງ​ເຮັດໃຫ້​ຄົນ​ສ່ວນ​ໃຫຍ່​ໃຊ້​ເວລາ​ໄປ​ເຮັດວຽກ​ເພື່ອ​ແລກ​ເງິນ​ໄປ​ເດືອນ​ໆ​ໂດຍ​ບໍ່​ມີ​ຈຸດ​ໝາຍ​ຂອງ​ການ​ກໍ່​ສ້າງ​ຊີວິດ​

ເມື່ອ​ບໍ່​ມີ​ຝັນ​ ສົ່ງ​ຜົນ​ໃຫ້​ບໍ່​ມີ​ເປົ້າ​ໝາຍ​ທີ່​ກະຕຸ້ນ​ໃຫ້​ຕັວ​ເອງ​ຕື່ນ​ເຕັ້ນ​ ບໍ່​ສາມາດ​ຈັດ​ລະບຽບ​ການ​ກຽມ​​ພ້ອມ​ໃນ​ແຕ່​ລະ​ຊ່ວງ​ເວລາ​ໄດ້​ ໃນ​ທີ່ສຸດ​ກໍ​ນຳ​ພາ​ຕັວ​ເອງ​ເຂົ້າ​ສູ່​ໂໝດ​ການ​ເຮັດ​ວຽກງານ​ໃຫ້​ຄົບ​ເວລາ​ໂດຍ​ບໍ່​ໄດ້​ປະ​ເມີນ​ຄຸນຄ່າ​ຂອງ​ຕົນເອງ ​ແລະ ​ຄຸນຄ່າ​ຂອງ​ງານ​ທີ່​ເຮັດ​

ເພື່ອນ​ໆ!!! ຄວາມ​ຝັນ​ຂອງ​ທ່ານ ຄື​ແຮງ​ບັນ​ດານ​ໃຈ​ສຳຄັນ​ຂອງ​ທ່ານ​ ຫາກ​​ທ່ານ​ຂາດ​ພະລັງ​ໃນ​ການ​ຍົກ​ລະດັບ​ຊີວິດ​ ເປັນ​​ເພາະ​ທ່ານຂາດ​ພາບ​ຝັນ​ທີ່​ເຮັດໃຫ້​​ຕົວ​ເຈົ້າ​ຕື່ນ​ເຕັ້ນ​ ຈົ່ງ​ກ້າ​ທີ່​ຈະ​ຝັນ​ ຈາກ​ນັ້ນ​ພັດທະນາ​ຕົນ​ເພີ່ມ​ຄຸນຄ່າ​ແຫ່ງ​ຕົນ​ ແລະ ​ລົງ​ມື​ເຮັດ​ຢ່າງ​ຄົງ​ເສັ້ນ​ຄົງ​ວາ​ໄປ​ໃນ​ທິດ​ທາງ​ແຫ່ງ​ຝັນ​ນັ້ນ​ ເພື່ອນ​ໆ​ຈະ​ສາມາດ​ມີ​ຊີວິດ​ທີ່​ຍິ່ງ​ໃຫຍ່​ຢ່າງ​ແນ່ນອນ​